Samsung компанийн iPhone-той өрсөлдөхүйц хэмжээний нэгэн шинэ брэнд болох Galaxy S3-ыг  Европын зах зээлд худалдаанд гаргалаа.

Эхний ээлжинд Европын 28 оронд худалдаалж эхлээд байгаа ба дэлхийн зах зээлд борлуулалтаараа тэргүүлэх, iPhone-ы амжилтыг эвдэнэ гэж төлөвлөөд байгаа аж.

Galaxy S3 нь Aндройд үйлдлийн системээр ажиллах бөгөөд 4.8 инчийн дэлгэцтэй буюу iPhone-оос том дэлгэцтэй юм.

Лондоны худалдааны зарим төлөөлөгчид уг брэндийг дүгнэхдээ iPhone-оос борлуулалтаараа давах өрсөлдөхүйц хэмжээний бүтээгдэхүүн болж чадсан хэмээн дүгнэж байгаа юм байна. Ирэх зургадугаар сараас Galaxy S3 шинэ брэнд дэлхийн 145 улсад худалдаалагдаж өөрийн хэрэглэгчдийн хүрээг тэлэх юм байна.