Дуучин Г.Тэнүүн анхны бие даасан “Picnic” цомгоо худалдаанд гаргаад сар гаруй болж багйаа ч “Hi-FI Records”-ын хөгжмийн сүлжээ дэлгүүр долоо хоног бүр борлуулалтаараа тэргүүлж буй шилдэг 10 цомгийн жагсаалтад байнга дээгүүрт багтаж байгаа билээ. Тэрбээр энэхүү цомгийнхоо “Presentation” амьд тоглолтыг фенүүддээ зориулан өөрийн хамтлагийн хамт анх удаа "Fers" Function house-д хийсэн юм. Түүний фейсбүүх хуудсаар дамжуулан олон фенүүд нь энэхүү амьд тоглолтынхоо видеог оруулж өгөөч ээ гэсэн хүсэлт ирүүлжээ.

Тиймээс Тэнүүн “Франц үнсэлт” дуугаа анх удаа амьд хөгжимтэй дуулсан бичлэгээ оруулжээ. Тэрбээр “Энэ дуунд дүрс хийж цацаагүй боловч маш олон хүн сонсож мэддэг болсон дуу билээ. Одоо дахин нэг өөр хувилбарыг та бүхэндээ хүргэе. Клип нь гэж бодоод л үзээрэй. Баярлалаа” хэмээн сэтгэгдлээ хуваалцсан юм.

“Франц үнсэлт” дууг анх удаа амьд хөгжимтэй дуулсан бичлэгийг ЭНД дарж үзнэ үү.