Цагдаагийн ерөнхий газрын даргын үүрэг гүйцэтгэгч асан, хошууч генерал Ч.Амарболд, Нийслэлийн цагдаагийн газрын дарга асан, цагдаагийн хурандаа О.Зоригт нарыг яг одоо Цагдан хорих 461 дүгээр анги руу албадан авч явах гэж байна.

Шастины нэрэмжит гуравдугаар эмнэлгийн эмчилгээ эрхэлсэн орлогч дарга Т.Төмөр-Очир “Манай эмнэлгийн эмч нар болон ШШГЕГ-ынхан хуралдаад Ч.Амарболд, О.Зоригт нарыг Цагдан хорих 461 дүгээр анги руу шилжүүлэхээр боллоо” гэж мэдэгдлээ. Долдугаар сарын 1-ний хэрэгт буруутгагдаад буй цагдаагийн экс дөрвөн даргыг шүүх хурал өнөөдөр 10.00 цагт Цагдан хорих 461 дүгээр ангид болохоор товлогдсон ч Ч.Амарболд, О.Зоригт нарыг хүлээн, одоо болтол эхлээгүй байгаа юм.