Нийслэлийн ИТХ-ын сонгуульд нэр дэвшсэн эрхэм гишүүн Э.Бат-Үүл тэргүүтэй АН-ын 45 гишүүн батламжаа гардан авах байсан ч татгалзлаа. Учир нь Э.Бат-Үүл гишүүнийг нэр дэвших ажиллагааг Нийслэлийн Ардчилсан намаас бүртгэх эсэх асуудлыг түр хугацаагаар хойшлуулаад байгаа юм байна.

Э.Бат-Үүл гишүүн Сэлэнэ аймагт ажиллаж байгаа бөгөөд дөрвөн жил хийсэн ажлаа, ямар шалтгаанаар нийслэлд нэр дэвших болсон зэргийг тайлагнаж яваа юм байна.

Энэ удаа УИХ-ын сонгуультай зэрэг болох Нийслэлийн ИТХ-ын сонгуульд намууд 30 нэр дэвшигчийг тойрогт, 15 нэр дэвшигчийг намын жагсаалтаар өрсөлдүүлэхээр сойж байгаа юм. Хэрэв Ардчилсан намаас НИТХ-д нэр дэвшихээр болсон Э.Бат-үүл гишүүнийг бүртгэх эсэх асуудлыг шийдэхгүй бол нэр дэвшигчийн батламжаа гардаж авахгүй гэдгийг Д.Ганболд хэллээ.

Харин Нийслэлийн Сонгуулийн хорооноос Э.Бат-Үүл гишүүнд тав хоногийн хугацаанд албан тушаалаасаа түр татгалзахыг хүссэн боловч өөрөө ямар нэг хариу өгөөгүй гэж мэдэгдлээ. Мөн хуулийн хугацаа нь өнөөдөр дуусах учраас Э.Бат-Үүл гишүний асуудлыг өнөөдөр шийдвэрлэнэ үү гэж Нийслэлийн Сонгуулийн хорооноос СЕХ, Улсын дээд шүүх, УИХ-ын Тамгын газарт асуулга хүргүүлсэн байна.

СЕХ, УИХ-ын Тамгын газраас энэ асуудлыг Нийслэлийн Ардчилсан намын хүрээнд шийдвэрлэх хариу өгсөн байна. Улсын дээд шүүхээс одоогоор хариу ирээгүй байгаа юм байна. Тиймээс энэ асуудлыг өнөөдөртөө багтааж шийдвэрлэнэ гэв.