УИХ-ын сонгуулийн тухай хуулийн 20 дугаар зүйлд “Сонгогчдын шилжилтийг санал авах өдрөөс 30 хоногийн өмнө зогсооно” гэж заасны дагуу өнөөдрөөс сонгогчдын шилжилт хөдөлгөөнийг сарын хугацаагаар зогсоож байна.

Ингэснээр сонгогчид яг нэг сарын дараа болох УИХ, нийслэлийн ИТХ-ын сонгуульд оролцохдоо өдгөө оршин суугаа нутаг дэвсгэрийнхээ сонгуулийн хэсгийн хороонд саналаа өгнө гэсэн үг юм.

Нэр дэвшигчид санал авах өдөр сонгогчдыг өөрийн тойрог, хэсэгтээ шилжүүлэн автобусаар зөөж санал өгүүлж сонгууль будилаантуулдаг байсан өмнөх зөрчлийг үүгээр таслан зогсоож байгаа юм.