Гиннессийн амжилтын номд дэлхийн хамгийн том нүдтэйд тооцогдох нохой бичигдлээ. Bruschi нэртэй бостой терьерийн нүд тус бүрийн голч нь 2,8 см хэмжээтэй байгаа тухай Гиннессийн албан ёсны сайтан дээр мэдээлжээ.

Дөрвөн настай Bruschi-гийн эзэн эмэгтэйн яриагаар бол, Гиннесст хандахыг нохойнд нь үзлэг хийсэн малын эмч санал болгожээ. Эмч угаасаа л том нүдтэй бостон терьерын хувьд ч гэсэн Bruschi-гийн нүдний аяга ер бусын том байгааг онцолжээ.

Тэгээд л 18 настай Виктория Гиннессийн номонд нохойныхоо зургийг нүдний хэмжээтэй нь цуг явуулсныг нь амжилт гэж тэмдэглэхээр болжээ. Одоо Техасын оршин суугч бүсгүй бусад аварга амжилт бүхий нохдын эзэдтэй харьцаж, халамж тусламж шаардлагатай бусад нохдын хувь заяанд олон нийтийн анхаарлыг хандуулахад дөхөмтэй болно гэж найдаж байна.

Бостон терьер хэмээх үүлдрийг АНУ-д 19-р зуун гаргасан бөгөөд тэд ихэнхидээ найрсаг, эрч хүчтэй адгууснууд байдаг. Энэ ноход үнэхээр л том дүгрэг нүдтэй ч Bruschi-гийнх шиг хүнхэр хэлбэртэй нь бол үүлдрийн “гологдол” болох магадлалтай байдаг юм байна.

Эх сурвалж: guinnessworldrecords.com