Цагдаагийн ерөнхий газрын /ЦЕГ/ дарга, хошууч генерал Д.Сандаг-Очир, Гаалийн ерөнхий газрын /ГЕГ/ дарга Д.Цэвээнжав нар өчигдөр Гаалийн ерөнхий газарт хоёр байгууллагын хамтын ажиллагааны санамж бичигт гарын үсэг зурсан байна.

ЦЕГ, ГЕГ нь  тарифын болон тарифын бус хязгаарлалттай бараа, түүний дотор хар тамхи, мансууруулах болон сэтгэцэд нөлөөт бодисыг хууль бусаар  хил нэвтрүүлэх гэмт хэрэг,зөрчлөөс урьдчилан сэргийлэх, таслан зогсоох, илрүүлэх, харилцан мэдээ, мэдээлэл солилцох, судалгаа хийх, сургалт зохион байгуулах чиглэлээр  хамтран ажиллахаар  санамж бичигт тусгажээ.