Европын шилдэг уран бүтээлч, шилдэг дуу шалгаруулдаг “Eurovision-2012” тэмцээний шувтаргын тоглолт Азербайжаны нийслэл Бакуд өнгөрсөн амралтын өдөр /05.26-нд/ болж, шилдгүүдээ нэрлэлээ. Уралдааны шувтаргад 26 орны уран бүтээлч тунаж үлдсэн бөгөөд Шведийн дуучин Loreen “Euphoria” дуугаараа тэргүүллээ. Харин удаах байруудад үзэгчдийг байлдан дагуулж байсан ОХУ-ын “Бурановын эмээ нар” хамтлаг “Party for everybody”, Сербийн дуучин Željko Joksimović “Nije Ljubav Stvar” дуугаараа шалгарчээ.

Уралдааны ялагчийг сүүлийн шатны шалгаруулалтад орж чадаагүй орнуудын иргэд мессэжээр санал өгч шалгаруулдаг уламжлалын дагуу болсон юм.