Монгол Улсын Ерөнхийлөгч Цахиагийн Элбэгдорж зарлиг гарган Монгол Улсын Үндсэн хуулийн 34 дүгээр зүйлийн 1 дэх хэсэг, Прокурорын байгууллагын тухай хуулийн 9 дүгээр зүйлийн 7 дахь хэсгийн 2 дахь заалтын дагуу албан тушаалаасаа чөлөөлөгдөх тухай хүсэлтээ гаргасныг нь үндэслэн М.Алтанхуягийг Улсын Ерөнхий Прокурорын үүрэгт ажлаас чөлөөлжээ.

Улсын Ерөнхий Прокурорыг шинээр томилох хүртэл УЕП-ын үүрэг гүйцэтгэж байхыг Ерөнхий Прокурорын орлогч Б.Цэрэнбалтавд даалгажээ гэж Монгол Улсын Ерөнхийлөгчийн Тамгын газрын Олон нийттэй харилцах, мэдээлэл боловсруулах албанаас мэдээллээ.