Монгол-Зөвлөлтийн найрамдлын нийгэмлэгийн 65 жилийн ой энэ онд тохиож байгаа билээ. Хоёр орны найрамдлын байгууллага ойгоо угтаж Монголд орос хэлийг зааж сургах, Орос орны соёлыг сурталчлахад “Орос хэлээр сургалт явуулдаг дунд сургуулиудын оролцоо” сэдэвт онол, практикийн бага хурал, Дундговь аймагт говийн болон төвийн бүсийн найман аймгийг хамарсан орос хэл, Оросын соёлыг сурталчлах иж бүрэн арга хэмжээ, орос хэлний олимпиад явуулжээ.

Мөн олон нийтийг хамарсан уралдаан, тэмцээнүүдийг орос андуудтайгаа хамтран зохион байгуулж, “Оросын дуу хоолой” радиогийн Монгол хэлний редакцтай хамтран асуулт хариултын уралдаанд тэргүүн байрыг ахмад дайчин Г.Батмөнх, удаах байруудыг ахмад дайчин Ц.Рагчаа, Л.Энхсаруул нар эзэлжээ.