Аж ахуй нэгж, байгууллагын цахим удирдлагын шинэ систем болох “АзуПойнт” системийг танилцуулах өдөрлөг энэ сарын 22-нд Монгол, Японы төвд боллоо. Танилцуулах өдөрлөгт төрийн болон хувийн хэвшлийн томоохон аж ахуйн нэгжүүдийн мэдээллийн технологийн мэргэжилтнүүд оролцжээ. “Азурайз” ХХК уг системийг “Microsoft SharePoint” платформ дээр суурилан хийсэн бөгөөд “SharePoint” системийн бүх давуу талыг өөртөө агуулсан шийдэл болсон бөгөөд Монголын анхны цахим удирдлагын систем аж.

Азурайз ХХК нь энэ оны дөрөвдүгээр сараас эхлэн “Microsoft” компанийн “Silver competency” буюу мөнгөн эрхтэйгээр үйл ажиллагаагаа явуулж байгаа гэнэ. Энэ эрх нь тухайн компанийг “Microsoft”-ийн шийдлүүдийг хамгийн зөв, үр ашигтай нэвтрүүлэх чадамжтай болохыг баталдаг аж. Мөн тус компани “Adobe”, “Autodesk”, “Bitdefender”, “Microsoft”, “GFI”, “WMware”, “Redhat” зэрэг дэлхийд алдартай үйлдвэрлэгчдийн албан ёсны лицензтэй програм хамгамжуудын худалдаа үйлчилгээ үзүүлж байгаа юм байна.