Маргааш тохиож буй “Эх дэлхийн цэвэрлэгээнд нэгдэцгээе” дэлхийн байгаль орчныг хамгаалах, хог хаягдалтай тэмцэх арга хэмжээнд манай улс нэгджээ. Энэхүү арга хэмжээг  БОАЖЯ, МҮХАҮТ, Улаанбаатар хотын Захирагчийн ажлын алба, Залуусын хөгжлийн гүүр ТББ хамтран  зохион байгуулах юм. Эх дэлхийгээ хайрлах хэн бүхнийг энэхүү үйлсэд нэгдэхийг уриалж байгаа бөгөөд орчны бохирдын эх үүсвэр, хог хаягдлын талаарх ойлголт, ухамсрыг сайжруулахыг зорилготой гэнэ.