МАН-ын Бага хурал, Удирдах зөвлөл урьд шөнө ээлжлэн хуралдаж намын жагсаалтаар УИХ-ын сонгуульд нэр дэвших 28 хүний нэрийг эцэслэн тодрууллаа. УИХ-д ногоон гэрлээр гарах боломжтой жагсаалтын эхний 10-т намын удирдлага болоод олон жил төр түшсэн эрхмүүдийг эрэмбэлжээ. МАН-ын дарга С.Батболд, ерөнхий нарийн бичгийн дарга У.Хүрэлсүх, 1990 оноос хойш төр түшиж буй дархан түшээ гэгдэх УИХ-ын дарга Д.Дэмбэрэл, УИХ дахь МАН-ын бүлгийн дарга Ө.Энхтүвшин, олон дараалан УИХ-д сонгогдож намдаа суудал авчирч байсан Д.Лүндээжанцан, Хууль зүй, дотоод хэргийн сайд Ц.Нямдорж, УИХ-ын дэд дарга Н.Энхболд нар орсон байна. Мөн Батлан хамгаалахын залуу сайд Ж.Энхбаярыг багтаажээ. МАН-ын шинэ нарийн бичгийн дарга нар болох Я.Содбаатар, Д.Сарангэрэл нар эхний 10-т эрэмблэгдлээ. МАН-ын жагсаалтын эхний аравт ганц эмэгтэй багтсан нь Д.Сарангэрэл юм. Ингэснээр юутай ч нэг эмэгтэй гишүүнээ МАН дархлаад авлаа. МАН-ын жагсаалтад нийт 11 эмэгтэй багтаад байна.

Жагсаалтаар нэр дэвшигчид:

1. С.Батболд, МАН-ын дарга
2. У.Хүрэлсүх, МАН-ын ерөнхий нарийн бичгийн дарга
3. Д.Дэмбэрэл, УИХ-ын дарга 
4. Ө.Энхтүвшин, МАН-ын УИХ дахь бүлгийн дарга
5. Д.Лүндээжанцан, УИХ-ын гишүүн
6. Ц.Нямдорж, Хууль зүй, дотоод хэргийн сайд
7. Н.Энхболд, УИХ-ын дэд дарга
8. Я.Содбаатар, МАН-ын нарийн бичгийн дарга
9. Ж.Энхбаяр, Батлан хамгаалахын сайд
10. Д.Сарангэрэл, намын нарийн бичгийн дарга
11. Л.Оюун-Эрдэнэ, НАМЗХ-ын дарга 
12. Ц.Гарамжав, ЭБЭХ-ний дэд сайд
13. Ц.Сүхбаатар
14. Б.Ундармаа, БСШУ-ы дэд сайд 
15. Э.Мөнх-Очир, УИХ-ын гишүүн
16. Б.Долгор, Ерөнхий сайдын зөвлөх 
17. Ж.Цолмон, ЭМ-ийн дэд сайд 
18. Б.Батцэцэг, “Мөнхийн үсэг” группын захирал
19. Х.Баделхан, УИХ-ын гишүүн 
20. В.Удвал, ХЗДХ-ийн дэд сайд
21. Д.Энхчимэг
22. Ж.Сауле, ХХААХҮ-ийн дэд сайд 
23. Г.Мөнхцэцэг, МЗЭ-ийн гүйцэтгэх захирал
24. Д.Энхчимэг, "Петровис" компанийн захирал 
25. Ш.Раднаасэд, МАН-ын генсекийн зөвлөх
26. Ц.Цэнгэл, УИХ-ын гишүүн 
27. Д.Дондог, УИХ-ын гишүүн
28. П.Баянмөнх

Тойрогт нэр дэвшигчид: