МАН-ын Бага хурал 22.00 цагаас хуралдахаар дахин хойшиллоо. Удирдах зөвлөлийн хурлаар намын жагсаалтад багтах 28 нэр дэвшигчийг гаргасан байна. Жагсаалтыг намын дарга Сү.Батболд тэргүүлж, түүний араас эхний наймд ерөнхий нарийн бичгийн дарга У.Хүрэлсүх, УИХ-ын дарга Д.Дэмбэрэл, гишүүн Ө.Энхтүвшин, Д.Лүндээжанцан, Хууль зүй дотоод хэргийн сайд Ц.Нямдорж, УИХ-ын дэд дарга Н.Энхболд, намын нарийн бичгийн дарга Я.Содбаатар нар багтсан байна. Мажоритари 48 мандатад нэр дэвших хүмүүсийг ч мөн тодруулсан бөгөөд Баянголын тойрогт Р.Раш гишүүн нэр дэвшихээр үймүүлж, Боловсрол, соёл шинжлэх ухааны сайд Ё.Отгонбаяр Булганд нэр дэвшихээр болсныг эс тооцвол өөрчлөлт ороогүй байна.

Ерөнхийдөө намын удирдлага болон Бага хурлын гишүүд Удирдах зөвлөлөөс гаргасан шийдвэрийг батламжлахаар болж, заалнаас нэр дэвшүүлэхгүй байх тохироо хийжээ. Харин Ерөнхий сайд асан С.Баяр энэ удаагийн сонгуульд нэр дэвшихгүй бололтой.