Улсын мэргэжлийн хяналтын ерөнхий газраас нийслэл болон 21 аймгийн авто засварын газруудад хөдөлмөрийн аюулгүй байдал, ажилчдын нийгмийн хамгааллын байдалд шалгалт хийжээ. Шалгалтаар авто засварын газрууд хөдөлмөрийн аюулгүй байдал, эрүүл ахуйн, нийгмийн даатгал,  хөдөлмөрийн хөлсний доод хэмжээ зэрэг үзүүлэлтүүдийг хэрхэн хангаж буйд хяналт тавьжээ.  Ажлын байрны шаардлага хангаагүй Улаанбаатар хотын “Вимон” ХХК, “Төгс гүрэн” ХХК Баянхонгор аймгийн “Тана”, “Цагаан зам”, Баян-Өлгий аймгийн “Махпал”, “Ахжол”, “Көкгесен”, Дархан-Уул аймгийн “Өнө Олуул” авто засварыг түр хугацаагаар хаасан тухай МХЕГ-аас мэдээлж байна.