Рок, поп, урлагийн оддын хамт дуу хуур, инээд наргиан, сонирхол татам үйл явдал гээд гурван жил дараалан шинэ жилийн үдэш үзэгчдийг дэлгэцийн өмнө уясан хамгийн гоё бэлэг бол “Цэнхэр дэлгэц” нэвтрүүлэг байсан.

Сүүлийн хэдэн жил гараагүй энэхүү нэвтрүүлгийг үзэгчид төдийгүй уран бүтээлчид хүсэн хүлээх болсон. On`n off продакшны захирал, продюсер С.Ононбат “Камертон 2” шоунд зочин шүүгчээр уригдан оролцож байх үедээ “Цэнхэр дэлгэц” нэвтрүүлгээ дахин хийх гэж байгаа талаар ярилаа. “Камертон 2” төслийн ерөнхий продюсер Д.Болд энэ шоунаас шалгарсан шилдэг дөрвөн оролцогчоо “Цэнхэр дэлгэц” нэвтрүүлэгт оролцуулахаар төлөвлөж байгаагаа ч дуулгасан юм. Юутай ч Монголын бүх одод нэг дор цугласан, “Камертон 2” шоуны шилдэг оролцогчидтой “Цэнхэр дэлгэц” нэвтрүүлэг үзэгч та бидэнд ямар сюрприз барихыг хүлээх л үлдлээ.