“Бостон Балет” компанийн гоцлол бүжигчин, Монгол Улсын Гавьяат жүжигчин Д.Алтанхуяг маргааш эх орондоо ирэх нь ээ. Тэрбээр энэ удаад Японы “Комаки балет” компанийг бүрэн бүрэлдэхүүнээр нь Монголд авчрах аж. Японы шилдэг бүжигчид ирэх зургадугаар сарын 8, 9-нд Соёлын төв өргөөнд “Комаки балет” тоглолтыг хийх юм.

Гавьяат жүжигчин Д.Алтанхуяг өөрийн санаачлан байгуулсан “Монголын балетын хөгжил сан”-гийн үйл ажиллагаан хүрээнд ийнхүү “Комаки балет” компанийн уран бүтээлчид уриад байгаа аж. Өмнө нь тус сангаас “Night Of Ballet”олон улсын балетын фестиваль, А.Аданы “Жизель” балет зэргийг гадаадын шилдэг уран бүтээлчидтэй хамтран Монголд тоглож байсан юм.