Говь-Алтай аймгийн Цээл сумын нутагт  хүдрийн олборлолт явуулдаг “Алтайн Хүдэр” компани энэ онд багтаан Хонконгийн Хөрөнгийн биржид 7.8 тэрбум хонконг долларын анхдагч хувьцаагаар хөрөнгө босгох гэнэ.

Тус компанийн томоохон ордуудын нэг нь Улаанбаатар хотоос баруун-баруун өмнө зүгт 1,300 км-т, Говь-Алтай аймгийн төвөөс 162 км, мөн Цээл сумаас баруун зүгт 18 км-т байрладаг Таян нуур орд юм.

“Алтайн хүдэр” 2009 онд Таян нуурын ордод олборлолт явуулж эхэлсэн. Тус компани 2008 онд Хятадын ган үйлдвэрлэгч “Baosteel Group”-ын Шинжиань дахь салбартай хамтран ажиллах 15 жилийн гэрээ байгуулсан байна.