Английн хөлбөмбөгийн “Арсенал” клубийн испани хаалгач Мануэль Альмуния багаа орхих болсноо зарлалаа. Өдгөө 35 настай түүний гэрээ долдугаар сарын 1-нд дуусах бөгөөд Польшийн хаалгач Войцех Щенсны, Лукашу Фабиански нарт үндсэн байраа алдсан тул гэрээгээ сунгахын хүссэнгүй, дээрх шийдвэрт хүрсэн байна.

Альмуния 2004 оноос хойш “Их буучид”-д хүчин зүтгэж, 175 тоглолтод оролцсон. Тэрбээр өнгөрсөн улиралд “Вест-Хэм”-д зээлээр тоглосон юм.