ИЗНН-ын үндэсний хорооны хурал өчигдөр болж, УИХ-ын 2012 оны сонгуульд нэр дэвшигчдээ тодруулсан. Энэ үеэр ИЗНН-ын дарга Д.Энхбат УИХ-ын сонгуульд нэр дэвшихгүй гэдгээ албан ёсоор мэдэгдсэн байна. Энэ талаар өөрөөс нь тодрууллаа.

-Ямар учраас УИХ-ын сонгуульд өрсөлдөхөөс татгалзах шийдвэр гаргав?

-Өчигдөр болсон ИЗНН-ын Үндэсний зөвлөлийн хурлаар УИХ-ын 2012 оны сонгуульд нэр дэвшихээс татгалзаж буйгаа намын нөхдөдөө хэлсэн. Энэ бол цэвэр хувь хүний сонголт. Далд бодлого, хар санаа, ямар ч асуудал байхгүй.  Би улс төрийн намын хүрээний үйл ажиллагаанаас илүү үндэсний, өргөн хүрээний үйл ажиллагаа явуулахаар шийдсэн.

-Намын гишүүд таны шийдвэрийг хэрхэн хүлээж авсан бэ?

-Үндэсний зөвлөлийн хурлын үеэр би “нэр дэвшихгүй” гэж, намайг дэвшүүлнэ гэж нэлээд асуудал үүслээ. Намайг байхгүйд манай намын гишүүд алзахгүй болов уу. Энэ удаагийн УИХ-ын сонгуульд манай намаас маш олон чадалтай, чадвартай хүмүүс нэр дэвшиж байгаа юм.