Удахгүй тохиох эх, үрсийн баярт зориулж хошин урлагийн “Шинэ үе” продакшны уран бүтээлчид энэ сарын 28-аас ирэх зургадугаар сарын 1-нийг дуустал “Сар нуусан шөнө” хүүхдийн жүжиг толилуулах гэж байгаа билээ. Энэхүү жүжигт тус продакшны жүжигчин Г.Ундармаа тооройн дүр бүтээж байгаа гэнэ. Оюутан байхдаа торойн дүр ногдоосой гэж хүсдэг байсан түүнд багш нь бүжингийн дүр өгөхөд нь сэтгэл гонсгор хүлээн авч байсан гэдэг. Харин энэ удаад Г.Ундармаа хүссэн дүрдээ хувирах сайхан боломж олдлоо хэмээн сэтгэл хангалуун байгаа гэнэ шүү.

Түүний хүүхэд нас Говь-Алтайд өнгөрсөн болохоор хүсэн хүлээдэг хүүхдийн баяраараа дүүгийнхээ хамт аав, ээжийнхээ авч өгсөн шинэ хувцсаар гангаран амттан идэж баярладаг байснаа ч тэр дурсав.