Улс төрийн намууд жагсаалтаар орох нэр дэвшигчдийнхээ эхний таван хүнд нэлээд анхаарал тавьж байна. Аль ч тохиолдолд УИХ-д орох хамгийн өндөр магадлалтай эхний таван дэвшигчийн тоонд орохоор улстөрчид ч өрсөлдөж буй гэх. Гэхдээ намууд өндөр албан тушаалын эрхмүүддээ лист тэргүүлэх эрхийг өгч буй ажээ.

АН гэхэд листийн эхэнд УИХ-ын гишүүн, намын дарга Н.Алтанхуяг, намын ерөнхий нарийн бичгийн дарга Д.Эрдэнэбат, УИХ дахь АН-ын бүлгийн дарга Ч.Сайханбилэг, нийслэлийн АН-ын дарга Ш.Түвдэндорж нарыг бичихээр төлөвлөж буй бол МАН-ынхан УИХ-ын гишүүн, Ерөнхий сайд, МАН-ын дарга С.Батболд, ерөнхий нарийн бичгийн дарга У.Хүрэлсүх, УИХ-ын дарга Д.Дэмбэрэл, УИХ дахь МАН-ын дарга Ө.Энхтүвшин, эрхэм гишүүн Д.Лүндээжанцан нарыг түрүү магнайд жагсаахаар ярилцаж буй аж.