Үндэсний фолк рок урсгалаар уран бүтээлээ туурвидаг “Алтан ураг” хамтлаг рок дуучинтай болохоор шалгаруулалт явуулж эхэлжээ. Тус хамтлагтай ҮДБЭЧ-ийн уртын дуучин Г.Эрдэнэцэцэг хамтран ажилладаг юм. Харин энэ удаад тэд эрэгтэй рок дуучинтай болохоор ийн шалгаруулалт зарлажээ. 20-25 насны уран бүтээлээрээ тууштай дагнах залууст энэхүү шалгаруулалт нээлттэй бөгөөд altanuragfanclub@gmail.com цахим хаягт камер болон утсаар хийсэн бичлэгээ илгээхэд л хангалттай юм байна. “Алтан ураг” хамтлагийнхан бичлэгийн чанарыг бус дуулалтыг голлон харах учраас хоолой нь аль болох цэвэрхэн бичигдэх хэрэгтэйг анхааруулсан байна.