Монголын Үйлдвэрчний эвлэлийн соёлын төв ордонд 15.00 цагийн орчимд эхэлсэн МАХН-МҮАН-ын “Шударга ёс” эвслийн бага чуулган одоо ид хаалттай үргэлжилж байна. Уг бага чуулганаар 2012 оны УИХ-ын сонгуульд нэр дэвших хүмүүсээ тодруулах учиртай. Эх сурвалжаас авсан мэдээллээр бол мянгатын дарга нар болон бага чуулганы 150 орчим хүн оролцож байгаа бөгөөд МАХН-аас Архангай аймагт МАХН-ын ерөнхий нарийн бичгийн дарга Н.Удвал, Өвөрхангай аймагт Байгаль орчин, аялал жуулчлалын сайд асан Г.Шийлэгдамба нарын нэр дэвших асуудлыг хэлэлцэж эхэлсэн байна. Гэхдээ эцсийн шийд одоогоор гараагүй байна. Тус чуулганд МАХН-ын дарга Н.Энхбаярын ууган хүү Э.Батшугар, Гавьяат жүжигчин С.Жавхлан нар оролцож байгаа аж.