Монголын өсвөрийн шатарчдын клубүүдийн холбоо, МҮЭСТҮ хамтран бага насны хүүхдүүдийн дунд “Мини шатар-2012” тэмцээнийг зохион байгуулах болжээ. Хүүхэд багачуудыг төлөвшүүлэх, шатрын спортыг цэцэрлэгийн наснаас нь эхлэн зааж сургах, тэдний оюун ухаан, сэтгэн бодох чадварыг хөгжүүлэхэд чиглэгдсэн тэмцээн зургадугаар сарын 5-6-нд МҮЭСТО-нд хөвгүүд, охидын зургаа, найм, 10 хүртэлх насны ангилалд болно. Тэмцээн швейцарь системээр долоогоос есөн тойрог үргэлжлэх бөгөөд цэцэрлэгийн насны ангилалд багаа сайн бэлдэж оруулсан цэцэрлэгийг шалгаруулж, 100 мянган төгрөгөөр урамшуулах юм.