Эрвээхэй нүдэн үзэсгэлэнт Япон бүсгүйн гунигт хайрын түүхийг дахин Улсын дуурь, бүжгийн эрдмийн театрын уран бүтээлчид дэлгэх гэж байна. Ж.Пуччинийн алдарт “Чио Чио Сан” дуурийг Монголчууд анх 1967 онд тайзнаа тоглож байсан юм.

“Чио Чио Сан” дуурийг энэ сарын 26-нд буюу ирэх бямба гаригт дахин тоглох гэж байгаа аж. “Чио Чио Сан” дуурьд Америк усан цэрэгт дурласан бүсгүйн үнэнч хайрын тухай өгүүлдэг байна. Дуурийн төгсгөлийн хэс эг болох энэ амьдралаас үүрд явахаар шулуудсан Чио Чио Сан “Адгийн үйлстэй эвлэрэхгүй хүн Ариун нэртэй үхнэ“ гэсэн бичээстэй эцгийнхээ хутгаар амиа хорлодог хэсэг үзэгчдийг уярааж, уйлуулсаар ирсэн билээ.