Австралийн агаарын тээврийн “Qantas” компани  100 сая австр.доллар
хэмнэх зорилгоор 500 ажлын байрыг танахаар болсноо мэдээллээ. Тус
компанийн мэдээлж буйгаар шатахууны үнэ өндөрт хүрснээс зарцуулалтаа
багасгах замаар ашгаа сайжруулахын тулд ийм шийдвэрт хүрчээ.

Дашрамд
дурьдахад, өнгөрсөн онд Qantas компанийн А380 онгоцны хөдөлгүүр
нислэгийн үед эвдэрсэн хэрэг гарчээ. Сиднейгээс Лондонг чиглэж явсан
онгоц дээрх эвдрэлийн улмаас Дубайд төлөвлөгдөөгүй буулт хийхэд хүрсэн
байна. Онгоцонд 258 хүн сууж явсан бөгөөд ямар нэг хохирол амсаагүй
ажээ.