Эрдэнэт хотноо “MBS” буюу “Mongolian Broadcasting System” нэртэй анхны HD телевиз байгуулагдлаа.

“Монголын тавцанд Эрдэнэтийг гаргана” уриатай MBS телевиз сэтгүүлзүйн салбарт шударга, зөв, үнэн бодитой мэдээллийг хүргэж, хараат бус сэтгүүлзүйг бий болгохыг гол зорилгоо болгон ажиллах аж.

Харилцаа холбооны зохицуулах хорооноос тавьж буй шаардлагыг орон нутагт анхлан хангаж байгаа телевиз төдийгүй өндөр технологийг орон нутагт нэвтрүүлж байгаагаараа онцлог юм. Энэхүү телевиз нь мэдээллийн хөтөлбөр болон энтертайнмент нэвтрүүлгийн тэнцвэрийг ханган ажиллах тухай MBS телевизийн мэдээллийн албаны дарга Р.Оюунцэцэг мэдэгдлээ.