Дорнод аймгийн Баяндун сумын Шивэртийн ам хэмээх газарт тавдугаар сарын 9-нд гарсан гал түймрийг унтраахаар ажиллаж байгаад түлэгдэж, улмаар нийслэлд хүргэгдсэн ахлах ахлагч Г.Багабиш, дэд ахлагч А.Болорсүх нар Гэмтэл согог, судлалын үндэсний төвд эмчлүүлж байсан билээ. Гал сөнөөгч Г.Багабиш нь 75 хувийн, А.Болорсүх нь 90 хувийн түлэгдэлттэй, биеийн байдал хүнд байсан юм. Харамсалтай нь, ахлах ахлагч Г.Багабиш өнөөдөр өглөө амьсгал хураажээ.

Дорнод аймгийн Баяндун суманд гарсан ой хээрийн түймрийн унтраахаар эдгээр залуустай мөр зэрэгцэн ажиллаж байсан гурван аврагч амь насаа алдсан билээ.