Арлын орныг шуугиулж яваа Монгол сумочид өнөөдөр эх орондоо ирэх билээ. “Их Монголын алтан одод” хүмүүнлэгийн шоу тоглолтод оролцож, үндэсний бөхчүүдийг сагсан бөмбөгийн дуэлд дуудаад байгаа сумочдыг өрсөлдөгчид нь болох аварга, арслан, заанууд онгоцны буудалд очиж тосох гэнэ ээ.

Их аваргууд, энгүй их хүчтэнүүд лхагва гаригт болох шоу тоглолтын дараа хамтдаа бас нэгэн арга хэмжээнд оролцох нь Үндэсний соёл, амралтын хүрээлэнгийн “Цайз” ресторанд болох 200 ам.долларын такстай хүлээн авалт байх ажээ. Хүмүүнлэгийн үйлсийг дэмжих хандивын хүлээн авалтад оролцож, хүчит бөхчүүдтэй уулзаж, танилцах боломж хүн бүрт нээлттэй гэсэн шүү.

Сонирхуулахад, Монголын үндэсний бөхчүүдийн шигшээ багийнхан ийм хувцсаар ижилсэхээр зэхжээ.