Монгол
Улсын Ерөнхийлөгч Ц.Элбэгдорж өчигдөр Боловсрол соёл, шинжлэх ухааны
сайд С.Отгонбаяртай ярилцаж, нэгэн зүйлд яаралтай анхаарлаа хандуулахыг
хүссэн нь олон жилийн өмнө Монголоос алдагдсан байх магадлалтай үлэг
гүрвэлийн маш ховор араг ясны тухай мэдээлэл байсан юм. АНУ-ын
Нью-Йорк хотноо үлэг гүрвэлийн маш ховор, бүтэн араг ясыг дуудлага
худалдаанд оруулах гэж байгаа тухай мэдээ олон улсын хэвлэл мэдээллийн
хэрэгслээр гарсныг сонссон Монголын эрдэмтэд, судлаачид Монгол Улсын
Ерөнхийлөгчид хандсан аж. Уг дуудлага худалдааг хийхээр албан ёсоор
зарласан Херитейж Аокшн байгууллагаас мэдээлж байгаагаар энэхүү үлэг
гүрвэлийн бүтэн араг ясыг  сүүлийн 10 жилийн хугацаанд говиос /Gobi
Desert/ олсон гэжээ.

Тэгвэл яг одоо 12.00 цагаас EAGLE NEWS
телевизээр энэ асуудлыг хөндсөн маш сонирхолтой мэдээлэл үзэгч танд
хүрэх гэж байна. Уншигч та бүхэн EAGLE NEWS телевизийн шууд эфирийг
NEWS.mn сайтаас хүлээн авч үзэх боломжтойг сануулъя.

Ерөнхийлөгч
Ц.Элбэгдорж өчигдөр сайд С.Отгонбаярт чиглэл өгөхдөө, уг олдворын гарал
үүслийн талаар дуудлага худалдааг эрхлэн явуулах байгууллагаас тайлбар
авах, хэрвээ Монголын говиос олдсон, хууль бусаар монголоос гарсан нь
батлагдвал олон улсын конвенцийн дагуу уг олдворыг эх орондоо буцааж
авчрах талаар ажиллахыг үүрэг болгоод байгаа билээ.