Иргэн бүр үйлдвэрлэгч байж улс орны хөгжил түүнээс эхэлдэг. Иргэдийг жижиг дунд биезнес эрхлэх өрхийн аж ахуйгаа хөгжүүлэхэд зориулан Баянзүрх дүүргийн Засаг даргын дэргэд жижиг дунд үйлдвэрлэлийг дэмжих  “Баянзүрх нэг зүрх” төвийг нээжээ. Тус төв нь Баянзүрх дүүргийн нутаг дэвсгэрт үйл ажиллагаа явуулж байгаа жижиг дунд үйлдвэрлэл эрхлэгчийг дэмжих, олон төрлийн сургалт явуулах, зах зээлд бие даан ажиллах боломжийг хангах, тэднийг тасралтгүй хөгжих чадвартай аж ахуйн нэгж болгох, хөнгөлөлттэй ажлын байраар хангах, тэдний үйлдвэрлэлийг өргөжүүлэн хөгжүүлэхэд туслалцаа үзүүлдэг мэдээллийн төв болох зорилготой юм. Үйл ажиллагааны бас нэг хүрээ нь зах зээл дээрх шинэ бүтээгдэхүүнний судалгаа, хэрэглэгчийн судалгаа хийх, салбар бүрийн үйлдвэрлэл эрхлэгчдээс онгон өөрийн байранд үйлдвэрлэл эрхлэх боломжийг олгож байгаа юм. Нээлтийн ажиллагаанд дүүргийн Засаг дарга Б.Батзориг болон бусад албаны хүмүүс оролцлоо.

Түүнчлэн үйлдвэрлэл эрхлэгчдийн борлуулалтыг нэмэгдүүлэх, олон нийтэд таниулах зорилгоор нэрийн барааны дэлгүүр нээн ажиллуулж байна.

Энэ төвөөр дамжуулан иргэд бизнесээ өргөтгөх зээл авах боломж бүрдэж байгаа юм. Ингэхийн тулд иргэд сургалтад хамрагдан төслөө бичиж шаардагдах санхүүжилтйг энэ төвөөр дамжуулан авах юм.

2009 онд анх Баянзүрх дүүргийн ЗДТГ-аас жижиг дунд бизнес эрхлэгчдийн чуулга уулзалтыг зохион байгуулсан бөгөөд чуулга уулзалтаас гарсан санал санаачилга ийнхүү биелэлээ олж өнөөдөр үүд хаалгаа нээлээ.

Өнгөрөгч онд  жижиг дунд биенес эрхлэгчдийн хөнгөлттэй зээлийг 54 иргэн 2,8 тэрбум төгрөгийн зээлийг авчээ.

Баянзүрх дүүргийн гаруй иргэн 3,8 тэрбум төгрөгийн зээлийг авч үйл ажиллагаагаа эхлүүлж, бизнесийн цар хүрээрээ тэлсэн байна. Харин энэ жил 2009, 2010, 2011 оны эргэн төлөлтөөс зээлийн хэмжээг шийдвэрлэх юм.
 
Улсын төсвийн хөрөнгө оруулалтаар байгуулсан уг төв нь Баянзүрх дүүргийн 8-р хороо, Чулуун овооны аюулгүйн тойрог, Сансар бөөний төвийн эсрэг талд байрлаж байна.