НХХЯ-ны харьяа Хөдөлмөр, халамжийн үйлчилгээний газрын дэргэдэх Хөдөлмөрийн төв бирж “Ажил амьдралын гараа” яармагийг энэ сарын 22-нд Сүхбаатарын талбайд зохион байгуулах гэж байна. Жил бүр зохиогддог уг яармаг нь их, дээд сургууль, коллеж төгсч буй оюутан залуусыг ажил олгогчидтой уулзуулах, тэднийг ажлын байраар хангах, хөдөлмөрийн зах зээлийн мэдээлэл түгээх, хөдөлмөр эрхлэлтийн чиглэлээр төрөөс оюутан залууст зориулан явуулж буй бодлого, дэмжлэгийн талаарх мэдээллийг сурталчлах зорилготой юм байна.