Өнгөрсөн жилүүдэд болсон байгалийн гамшгийн улмаас Японы эдийн засаг буурсан ч эргээд хэвийн хэмжээндээ хүрч тэр ч байтугай өссөн гэсэн дүгнэлт гараад байна. Тус улсын дотоодын нийт бүтээгдэхүүн энэ оны эхний улирлын байдлаар харьцангуй өссөн үзүүлэлт гарчээ. Японы Засгийн газраас мэдээлж байгаагаар энэ жилийн эхний гурван сарын дотоодын нийт бүтээгдэхүүн өмнөх улиралтай харь­цуулахад 1,0 хувиар нэмэгдсэн байна.

Гэвч тус улсын эдийн засаг хамгийн ихдээ 4,1 хувийн өсөлттэй гарч байсан удаа бий. Энэхүү өсөлт нь бусад улсын жишгээр иргэдийн худалдан авах чадвар болон экспорт нэмэгдсэнээр тийнхүү өндөр өсч байжээ. Харин 2011 оны гуравдугаар сард болсон газар хөдлөлт, цунамид хамгийн их нэрвэгдсэн тус улсын зүүн хойд хэсгийн оршин суугчдын эдийн засгийн байдал эргээд хэвийн хэмжээнд орсон байна.