УИХ-ын чуулганы үдээс хойших нэгдсэн хуралдаан 15.00 цагт эхлэх ёстой ч хагас цаг өнгөрөөд байхад гишүүд танхимдаа цуглараагүй байна. Хуралдааныг даргалахаар УИХ-ын дэд дарга Г.Батхүү чуулганы танхимд ганцаараа сууж эрхэм гишүүдийг хуралдаанд морилон ирэхийг дотоод сүлжээгээр дуудаж байна.

Гишүүд хуралдаанд оролцохдоо хойрго байгаа тул нэгэнт цугласан дээр нь хэмээн үдээс өмнөх хуралдааны завсарлагыг 40 минут хойшлуулан гадаад орнуудтай байгуулах нэлээд хэдэн зээлийн гэрээг соёрхон баталсан юм.

Харин одоо гишүүд сунгаж хуралдуулсан цагаа нөхөж амрахаар шийдсэн бололтой, цугларах шинжгүй байна.