Олон Улсын Музейн өдрийг тохиолдуулан Монголын Театрын Музейгээс
өнөөдөр  16.00 цагаас цэцэрлэгийн насны хүүхдэд зориулсан “Үлгэрийн
орноор” хүүхэлдэйн театрчилсан тоглолт, танин мэдэхүйн ажлыг зохион
байгуулах гэж байна.  Энэхүү ажилд “Царцаа Намжил”, “Өвгөн, арслан
хоёр”  хэмээх монгол ардын сургамжит үлгэрүүдийг таягт хүүхэлдэй мөн
зураглалын аргаар хүүхдүүдэд үзүүлэх ажээ. Үүнээс гадна хүүхэлдэйн
урлагийн төрөл зүйлийн тухай мэдээлэл өгөх юм байна. Монгол ардын түүхэн
хийгээд сургамжит домог үлгэрүүд нь хүүхдийн оюун сэтгэлгээг хөгжүүлэх,
түүгээр дамжуулан хорвоо ертөнцийн юмс үзэгдэл, оршин тогтнох учир
явдлыг танин мэдэх, өөрт тохиолдсон саад бэрхшээлийг хэрхэн даван туулах
арга замыг бий болгодог  учир  дээрх хоёр  үлгэрийг сонгон авсан болно.