Тоон системийн дүрс бичлэг хийх төхөөрөмжийн үйлдвэрлэл­тээрээ тэргүүлэгч Японы "Canon Inc." корпораци угсралтын ажилла­гаагаа бүрэн роботжуулахаа мэ­дэгд­жээ. Ингэхдээ тэд угсралтын хэсэгт ажиллаж байсан ажилт­нуудаа бусад хэсэг рүү шилжүүлэх болжээ. Улмаар тус байгууллага нь дэлхийд угсралтын цехээ бүрэн роботжуулсан анхны корпораци болох юм байна.  Энэ нь үйлд­вэрийн бүтээмжийн саатлыг багас­гах зорилготой гэнэ. "Саnon" нь  өнгөрсөн онд тоон системийн 25.9 сая камер худалдаанд нийлүүлсэн байна. Энэ нь дэлхийн тус салбар дахь зах зээлийн 20 хувийг эзлэх юм байна. Дэлхийн зах зээлийн 50 хувийг Японы "Canon", "Sony", "Nikon" компанийн бүтээгдэхүүнүүд эзэлж байна. Сүүлийн жилүүдэд камерын зах зээлийн өрсөлдөөн нэмэгдэж байгаа гэнэ. Мөн иений ханш өөр валюттай харьцуулахад буурч байгаагаас Японы зарим компа­ниуд гадаадад ажиллахыг илүүд үзэх болжээ. Харин "Сanon" үүнээс өөр аргыг эрэлхийлж байна. Тэд дотоодын зах зээлд тунаж үлдэ­хийн тулд робот ашиглахаар бол­жээ. Нэг камерыг угсрахад 600-1000 эд анги ордог байна. Урьд нь угсралтын хэсгийг  бүрэн робот­жуулах боломж огт гарч байгаагүй юм байна.