Грекийн хямрал Европын бусад улсуудын эдийн засагт сөргөөр нөлөөлөхөөс сэргийлэх зорилгоор Европын холбооны Засгийн газрууд 500 тэрбум еврог ийн тусламж төсөвлөлөө. Европын холбооны гишүүн улс эдийн засгийн хүндрэлд орвол 440 тэрбум евро сангаас авах боломжтой болох ба үүн дээр Европийн комисс 60 тэрбум еврогийн баталгаа гаргалаа. Мөн Олон улсын валютын сан 220 тэрбум хүртэл еврогийн тусламж олгох боломжтойгоо илэрхийлээд байна. Европын холбоо тогтвортой байдлыг хангахын тулд “нөлөөлөхүйц хэмжээний дүн байршуулж байна” гэж Испанийн Эдийн засгийн яамны сайд Elena Salgado ярьсан байна. Хэрвээ ийм арга хэмжээ авахгүй бол энэ долоо хоногт санхүүгийн зах зээл дээр евро хүнд байдалд орж магадгүй гэж үзэж байсан юм. Энэ мэдээтэй холбоотойгоор Азийн хөрөнгийн зах зээлүүд дээр еврогийн ханш чангарч эхлээд байна.

Т.Санаа