Өнгөрөгч ням гаригт  Дорнод, Сүхбаатар аймгийн нутгийн зарим газраар бороо орж, ихэнх нутгаар цаг агаар тогтуун хоножээ.
Өнөөдөр нутгийн төв хэсгээр багавтар, бусад нутгаар солигдмол үүлтэй. Баруун зүгийн нутгийн хойд, Зүүн зүгийн нутгийн зүүн хэсгээр хур тунадас орно. Салхи зүүн зүгийн нутгаар хойноос 7-12 метр секунд, бусад нутгаар баруунаас 5-10 метр секунд, Хангай, Хөвсгөлийн уулархаг нутаг, Дорнод, Дарьгангын талаар 8-13 хэм, Их нууруудын хотгор болон Алтайн өвөр говиор 17-22 хэм, бусад нутгаар 14-19 хэм дулаан байна.
Харин энэ сарын 15-ны өдрийг хүртэлх төлөв байдлаар 11, 12-нд баруун зүгийн нутгийн зарим газар, төвийн нутгийн хойд хэсгээр, 13-нд нутгийн хойд хэсгээр, 14-нд нутгийн баруун хагаст хур тунадас орно. Салхи 11-нд баруун зүгийн нутгаар, 12, 13-нд зарим газраар 12-14 метр секунд хүрч ширүүснэ. Хангай, Хөвсгөлийн уулархаг нутгаар шөнөдөө 3 хэм дулаанаас 2 хэм хүйтэн, өдөртөө    10-15 хэм, Говийн бүс нутгаар шөнөдөө 5-10 хэм, өдөртөө 20-25 хэм, бусад нутгаар шөнөдөө 1-6 хэм, өдөртөө 16-21 хэм дулаан байх аж.

П.Наран