Архангай аймгийн Цагдаагийн газрын гэмт халдлагаас урьчилан сэргийлэх ажлыг зохион байгуулах зөвлөл, Хүүхдийн төлөө хэлтэс хамтран “Замын хөдөлгөөний цагаан толгой-2012” тэмцээнийг Цэцэрлэг хотын цэцэрлэгийн хүүхдүүдийн дунд зохион явуулжээ. Энэхүү тэмцээнийг Хадгаламж банкны салбар ивээн тэтгэсэн байна. Нэг баг 4-6 насны 12 хүүхэдтэйгээр тэмцээнд өрсөлдсөн байна. Өсвөрийн замын хөдөлгөөний зохицуулагчид тусгайлан бэлтгэсэн талбайд заагдсан маршрутаар таван цэг дээр өгөгдсөн үйлдлүүдийг богино хугацаанд хийж үзүүлэх, мөн зм тээврийн ослоос урьдчилан сэргийлэх жүжигчилсэн тоглолтыг үзүүлжээ. Тэмцээнд “Ирээдүй” цогцолбор түрүүлсэн байна.