УИХ-ын Нийгмийн бодлого, боловсрол, соёл, шинжлэх ухааны байнгын хорооны хуралдаанаар Цэргийн албан хаагчийн тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төслийг хэлэлцэх байсан ч ажлын хэсэг байгуулж дахин ажиллаад байнгын хороонд оруулахаар болж хойшлуулав.

Үүний дараа Ажилласан жил, тэтгэврийн даатгалын шимтгэлийг нөхөн тооцох тухай хуулийн төслийг хэлэлцэхээр төлөвлөөд байсан ч мөн л ажлын хэсэг байгуулж ажилласны дараа хэлэлцэхээр боллоо. Уг хуулийн төслийн ажлын хэсгийн ахлагчаар эрхэм гишүүн С.Ламбаа ажиллахаар сонгогдов.