Монгол Улсын Засгийн Газраас 2012 оныг “Өрхийн хөгжлийг дэмжих” жил болгон зарласан. Энэ ажлын хүрээнд Дархан-Уул аймагт 477 өрхийг сонгон авч өрхийн хөгжлийн төлөвлөгөөг боловсруулахын сацуу “Хөдөлмөрийн яармаг” зохион байгуулсан байна.

Энэ үеэр ажил идэвхтэй хайгч иргэдийг ажлын байранд зуучлах, аж ахуйн нэгж байгууллагаас ажилтан авах захиалгыг иргэдэд танилцуулжээ. Яармагт 53 аж ахуйн нэгж байгууллага, ажил олгогчдоос 417 ажлын байрны захиалга ирүүлсэн байна.