“Орон нутгийн хэвлэл мэдээллийн эрх зүйн орчин” сэдэвт уулзалт Баянхонгор, Архангай, Өвөрхангай гурван аймгийн  хэвлэл, мэдээллийн байгууллагын ажилтан, сэтгүүлчдийн дунд Өвөрхангай аймгийн Арвайхээр хотноо өнгөрсөн амралтын өдрүүдэд болжээ. Уулзалтыг Өвөрхангай аймгийн МСЭ-ийн салбар зохион байгуулсан байна. Гурван аймгийн МСЭ-ийн салбар зөвлөлийн дарга нар хоёрдугаар сард Улаанбаатар хотноо цугларахдаа гурван аймгийн уулзалт хийхийг санаачлан орон нутгийн хэвлэл мэдээллийн холбоо, МСЭ-ийн удирдлагуудад танилцуулсан нь ийнхүү биелжээ.

Уулзалтыг тус аймаг дахь  МСЭ-ийн салбар зөвлөлийн тэргүүн А.Отгончимэг удирдан хөтөлж, аймгийн Засаг дарга  Д.Тогтохсүрэн оролцож, үг хэлжээ. Тэрээр  Хөдөө орон нутгийн хэвлэл мэдээллийн байгууллагуудыг төрөөс дэмжиж ажиллах зайлшгүй шаардлагатай байгааг онцолсон байна. Мөн уулзалтад ОНХМБ-ын тэргүүн, МСЭ-ийн орон нутаг хариуцсан дэд ерөнхийлөгч Б.Шаравдорж, Боловсролын их сургуулийн сэтгүүл зүйн тэнхимийн эрхлэгч, МСЭ-ийн гүйцэтгэх хорооны гишүүн, доктор Ж.Батбаатар  нар уулзалтад оролцсон сэтгүүлчдэд хагас өдрийн  сургалт, семинар хийсэн ажээ.