Төгөлдөр хуурч Цэнддоржийн Энхтөрийн “ECCENTRIC CONSERTO” төгөлдөр хуурын сонгодог тоглолт 2012 оны 05 сарын 14-ний үдэш УДБЭТ-ын тайзнаа эгшиглэлээ.

Уг тоглолт нь “Улаан хивсний ёслол”-оор эхэлсэн бөгөөд үндсэн хоёр хэсгээс бүрдэж энэхүү тоглолтондоо дэлхийн сонгодог нэрт зохиолчид болох Ф.Шопен, П.И.Чайковский мөн С.Гончигсумлаа нарын бүтээлээс тоглож сонирхууллаа. Төгөлдөр хуур, хөгжмийн гайхамшгийг жинхэнэ утгаар мэдрүүлж, үзэгч олны оюуны цангааг тайлсан сонгодог үдэш болсон юм. Насаараа төгөлдөр хуур тоглож П.И.Чайковскийн хөгжмөөс хэзээ ч уйддаггүй гэж хэлж байсан тэрээр үнэхээр л төгөлдөр хуурыг жинхэнэ утгаар нь эзэмшсэн амьд сонгодог бүтээл гэж хэлмээр санагдлаа. Төгөлдөр хуурч,  тэр дундаа хөгжмийн, сонгодог суут хүмүүс даруухан байдаг гэдэг яг л тийм л даруухан Ц.Энхтөр төгөлдөр хуурч хэнд үл анзаарагдам нэгэн атлаа хөгжмийг бол амилуулж гайхшруулсан цомхон үдэш болж өндөрлөлөө.

Тэрбээр хөгжмийн боловсролыг ХБДС, Москвагийн П.И.Чайковский нэрэмжит консерваторын нэрэмжит сургуулийн дэргэдэх тусгай мэргэжлийн академик сургуулийг тус тус дүүргэж 1992 оноос хойш бие даасан уран бүтээлийн тоглолтуудыг өөрийн болон гадаад орнуудад удаа дараа тоглож байжээ. Мөн түүнчлэн сонгодог хөгжмийн амьд тоглолтын CD болон DVD-г анх удаа бичүүлж олны хүртээл болгосон. Төгөлдөр хуурт зориулсан Б.Шаравын Монгол ардын дуунуудын найруулга болох “Түмний эх”, “16 цуврал бүтээл”-ээр бие даасан 2 дахь CD-гээ бичүүлж олны хүртээл болгосон.  Уран бүтээлийн 2 цомог гаргасан уран бүтээлч юм. Тоглолтонд УДБЭТ-ын симфони найрал хөгжимчид ,удирдаач МУГЗ Н.Туулайхүү нар оролцлоо.