Монгол Улсын Засгийн газрын 150 тоот тогтоол болон Монголын Үндэсний бөхийн холбооноос 2012 оныг “Монгол бөхийн судалгаа, сурталчилгааны жил” болгосныг хэрэгжүүлэх, хөдөө орон нутагт үндэсний бөхийн спортыг хөгжүүлэх, түгээн дэлгэрүүлэх, залуу бөхчүүдэд барилдааны арга барил, ёс заншил, өв уламжлалыг өвлүүлэх зорилгоор Багануур ХК, Нүүрэнтэйн хүчтэн бөхийн клубээс сумын цолтон болон залуу бөхчүүдийн аварга шалгаруулах барилдаан зохион байгуулах гэж байна. Барилдаан тавдугаар сарын 18-20-нд Багануур дүүргийн “Уурхайчин” спорт цогцолборт болох ажээ.