Монголын хөлбөмбөгийн холбооны өсвөр үеийнхний цомын шигшээ тэмцээний аваргууд тодорлоо. Тус холбоо энэ оны гадаа талбайн тэмцээнээ таван үе шаттай зохион байгуулсан бөгөөд дөрөвдүгээр шатны тэмцээн нь энэ. Нэгдүгээр шатны тэмцээн сургууль, клубийнх, хоёрдугаар шатных нь дүүрэг, аймгийнх байсан.

Шигшээ тэмцээний 13 хүртэлх насны ангилалд найман баг өрсөлдсөнөөс “Арвис” аваргалж, “Дэвэн Сүмида” удаалж, “Хоромхон” медалийн тавцанд гишгэлээ. 15 хүртэлх насны ангилалд 10 баг өрсөлдсөнөөс Дархан-Уул аймаг, “Арвис”, “Хаан хүнс-Титэм” алт, мөнгө, хүрэл медаль хүртэв. Харин ахлах буюу 17 хүртэлх насны ангилалд есөн баг хүч үзэхэд эхний байруудыг “Хаан хүнс-Титэм”, “Хангарьд”, “Хасын хүлгүүд” эзлэв.

Тэмцээний 15, 17 хүртэлх насны ангилал бүрийн шилдэг найман баг энэ сарын 19-30-нд болох “Хүслийн лиг”-т оролцох эрх авлаа.