Үндэсний соёл амралтын хүрээлэн оюутан залуусыг дэмжиж, чөлөөт цагаа эрүүл, зөв газарт өнгөрүүлэхийг уриалж байна. Энэ хүрээнд Үндэсний соёл амралтын хүрээлэн оюутан залуусын санаачилсан “Урсгалыг дагаж бус сөрж урашилъя” уриалгыг дэмжиж “Шинэ соёл-Бид ирээдүй” өдөрлөг зохион байгуулах гэж байна.

Өдөрлөг тавдугаар сарын 16, 17-ны 17.00-23.00 цагийн хооронд болох юм. Монголын ирээдүй болсон оюутан залуус чөлөөт цагаа бар, цэнгээний газар, РС тоглоомын газарт бус эрүүл, зөв өнгөрөөж, эерэг хандлагыг нийгэмд уриалан нэгдэхийг залуус та бүхэнд уриалж байна.

Тус  өдөрлөгт энэ сарын 16-нд ШУТИС-ийн 36 мянган оюутны төлөөлөл, харин 17-нд анагаахын салбарын найман их, дээд сургуулийн 17 мянган оюутны төлөөлөл оролцох юм. Залуус аа, чөлөөт цагаа зөв боловсон өнгөрүүлцгээе. Өдөрлөгт оролцох хүсэлтэй оюутан, залуус 88054060 утсаар холбоо бариарай.