ХХААХҮЯам, “Органик Монгол” хөтөлбөр, Монголын Чацаргана тариалагч, үржүүлэгчдийн холбоо, аймгийн ХХААЖДҮГ хамтран “Байгаль орчинд ээлтэй тогтвортой органик газар тариалан, органик-жимс жимсгэний үйлдвэрлэл” сэдэвт зүүн бүсийн сургалт, семинарыг өнгөрсөн долоо хоногт Өндөрхаан хотод зохион байгууллаа.

Уг сургалтанд Хэнтий, Дорнод, Сүхбаатар аймгийн  газар тариалан, жимс, жимсгэний чиглэлээр үйл ажиллагаа явуулдаг иргэн, аж ахуйн нэгжийн төлөөлөл 90 гаруй хүн оролцож органик ба ногоон бүтээгдэхүүний үйлдвэрлэл, хэрэглээний давуу тал, ашиг тусыг сурталчлах, энэ чиглэлийн жижиг дунд бизнес эрхлэгчдийг дэмжих, хамтран ажиллах, үндэсний шилдэг органик ба ногоон брендүүдийг хөгжүүлэхэд чиглэсэн чухал ач холбогдолтой сургалт боллоо.