“Швейцарь цаг” хочит Рожер Федерер Мадридын нээлттэй тэмцээний финалд Чехийн Томаш Бердыхыг 3-6; 7-5; 7-5 харьцаатай ялснаар аваргын цом хүртлээ. Тэрбээр ийнхүү Испанийн Рафаэль Надалийг орлож, дэлхийн чансааны хоёрдугаарт эрэмбэлэгдэх болж байгаа юм.

Бердых 2012 он гарсаар хоёр ч удаа Федерерийг ялсан бол Швейцарь теннисчин нийт 11 удаа Бердыхыг буулган авчээ.

Федерер ийнхүү Мадридын тэмцээнд гурав дахиа түрүүлж, Masters-ын цувралын 20 дахь цомоо гардсан. Түүнчлэн жүжигчин Уилл Смит тэмцээний хаалтын ажиллагаанд оролцож, “Хар хувцастнууд” кинонд өмсч байсан хослолоо жаазлан, Федерерт дурсгажээ.