Сэлэнгэ аймгийн хүүхэд багачуудын дунд жил бүр уламжлал болгон зохион байгуулдаг “Дүдү машин”-ы уралдаан амжилттай боллоо. Тэмцээнд Сүхбаатар, Баянгол, Хушаат, Сант, Шаамар, Орхон, Мандал, Зүүнбүрэн, Хүдэр зэрэг сумдаас нийт 62 тамирчин дөрвөн насны ангиллаар өрсөлдсөн юм.

Тэмцээний 14-17 насны холимог ангилалд Зүүнбүрэн сумын Д.Тэмүүлэн, Сүхбаатар сумын Б.Билгүүн, Хүдэр сумын А.Эрдэнэпүрэв, Мандалын А.Төрхүү, Хүдэр сумын Ш.Мөнхтүвшин нар эхний байруудад шалгарчээ.

Тэмцээний бага нас буюу 8-11 насны холимог ангилалд тэргүүн байрыг Хүдэр сумын Н.Лундаа, удаах байруудад Хушаатын Б.Есөн-Эрдэнэ, Сантын Ө.Удаанжаргал нар шалгарсан бол тэмцээний хамгийн бяцхан өрсөлдөгчид болох 5-7 насныхны уралдаан маш өрсөлдөөнтэй байсан юм.

Энэ насны ангиллын нэгдүгээр байрт Хушаатын Г.Магсар, дэд байрт Сантын А.Ганбаяр, гутгаар байрт Сүхбаатар сумын Н.Алтанбаяр нар шалгарсан бол тэмцээний бүх насны  ангилалд Зүүн бүрэн сумын С.Оргилбаяр “Хамгийн сайн машин”, Сант сумын Э.Мөнх-Эрдэнэ “Сонирхолтой машин”, Хушаат сумын С.Шинэхүүгийн бүтээсэн “Удаан машин” тус тус шалгарлаа.